22 Agosto 2019. A Xunta cortou unha carballeira centenaria a carón do Castelo de Maceda, monumento histórico artístico desde 1949 e ben de interese cultural desde o ano 1994, preto da igrexa de San Pedro e do seu peto de ánimas e do cemiterio da parroquia de Maceda.
21 Agosto 2019. Na zona de Portoquintela, no concello de Bande, alcanzouse o nivel máximo de risco de proliferación de cianobacterias caracterizándose como Nivel 3, no que o reconto de cianobacterias supera as 100.000 cél/mL ou ben cuantifícanse toxinas nas análises realizadas ou detéctanse espumas e natas de cianobacterias en áreas onde pode existir contacto directo cos bañistas e/ou existe risco de inxestión/aspiración.
21 Agosto 2019. O Centro Galego de Barcelona ten previsto iniciar proximamente os traballos necesarios para dixitalizar a súa biblioteca, de modo que o catálogo das súas fontes poida consultarse desde a web da Rede de Bibliotecas de Galiza -onde está incluída- como desde a aplicación móbil do propio centro "Galegos de Barcelona", creada recentemente.
21 Agosto 2019. O BNG oponse rotundamente á implantación de peaxes nas autovías que cualifica de medida regresiva e cunha finalidade meramente recadatoria que obrigaría as galegas e galegos a pagar dúas veces, afirma a parlamentaria nacionalista, Olalla Rodil.
20 Agosto 2019. Os investigadores na área de arqueologia voltaram a Melgaço, dando continuidade aos trabalhos no âmbito do projeto arqueológico transfronteiriço “Miño/Minho – Os primeiros habitantes do baixo Minho”.
20 Agosto 2019. Galiza experimentou un aumento no prezo do aluguer sen precedentes nos últimos anos e algunhas grandes cidades superaron o máximo histórico no referido ao prezo de aluguer por metro cadrado. Galiciapress contactou con Fernando Encinar, xefe de estudos do portal Idealista, debulla os motivos desta escalada de prezos no que el considera “un proceso alcista” desde hai dous anos.
20 Agosto 2019. Na Veiga, capital do Concello do mesmo nome e pertencente á comarca de Valdeorras podemos atopar unha casa que parece de conto chamada "Casa das Pedriñas" e tamén "Casa do Bailarín". A casa é obra do pintor e escultor Daniel Mancebo, coñecido como o Gaudí da Veiga" que adicou 25 anos a levantala.
20 Agosto 2019. Segundo enquisa de Electomanía, o Partido Popular sería o máis votado nas eleccións galegas para obter unha colleita do 37,4% dos votos, mentres a suma de Compromiso Galicia (GXC)-extraparlamentario-, BNG, Galicia en Común e PSdeG supera por algunhas décimas o 50% do voto.
19 Agosto 2019. Unha biofarmacéutica galega está próxima a ofrecer ao mundo unha vacina realmente efectiva contra a tuberculose. Trátase de Biofabri, instalada no Porriño, na comarca de Vigo, que experimenta con “resultados esperanzadores” o seu MTBVAC en Sudáfrica, en comunidades nas que a enfermidade é endémica.
